Gasto por habitante e investimento por habitante e territorializado
Recóllese neste apartado a ratio do gasto non financeiro dos últimos anos e a distribución provincial dos investimentos per cápita.
Gasto por habitante
| 2017 | 2018 | 2019 | 2020 | 2021 | 2022 | 2023 | |
|---|---|---|---|---|---|---|---|
| Ratio gasto non financeiro por habitante | 3.369,1 | 3.371,5 | 3.528,2 | 3.835,9 | 4.092,2 | 4.319,9 | 4.688,9 |
Gasto con perspectiva territorial
O orzamento 2023 conta tamén cunha perspectiva territorial, que se refire a todas as partidas de gasto agás as financeiras. Unha vez deducido o gasto financeiro, o correspondente aos servizos centrais, é dicir, aqueles gastos asociados aos servizos prestados desde as sedes administrativas da Xunta situadas no Concello de Santiago, e o gasto cun ámbito superior ao provincial, a distribución provincial do gasto explica o 90,6% do gasto non financeiro. A distribución dese gasto per cápita por provincias é a seguinte: A Coruña 4.024 euros por habitante, Lugo 5.288 euros por habitante, Ourense 5.168 euros por habitante e Pontevedra 3.913 euros por habitante.
Como pode apreciarse, as políticas consolidadas de gasto apostan pola cohesión territorial investindo en torno a 1.000 euros máis por habitante nas provincias menos poboadas.
