esta norma ten como obxecto modificar o Decreto 37/2006, do 2 de marzo, polo que se regula o nomeamento de persoal interino para o desempeño con carácter transitorio de prazas reservadas a funcionarios e a contratación temporal de persoal laboral da Xunta de Galicia. Por un lado, as modificacións efectuadas responden á necesidade de regular determinadas medidas extraordinarias de xestión das listas do Servizo de Prevención e Defensa contra Incendios Forestais (SPIF), en coherencia coa encomenda de xestión atribuída á Consellería do Medio Rural para a realización de determinados actos de xestión das listas de persoal destinadas á cobertura de postos vinculados ás tarefas de prevención e defensa contra incendios forestais; por outro lado, responden á necesidade de introducir modificacións puntuais que permiten unha xestión máis eficaz das listas de contratación.