o decreto ten por obxecto regular as condicións, requisitos e sistemas de control aplicables aos supostos especiais de entrega de medicamentos, produtos sanitarios e produtos dietoterápicos previstos no artigo 7 da Lei 3/2019, de 2 de xullo, de ordenación farmacéutica de Galicia.

Os supostos especiais refírense á dispensación e entrega informada de medicamentos e produtos sanitarios polas oficinas de farmacia e á entrega informada de medicamentos polos servizos de farmacia hospitalaria a persoas que teñan recoñecida a situación de dependencia e cumpran os restantes requisitos recollidos na norma.