esta orde ten por obxecto desenvolver a habilitación normativa prevista na disposición derradeira primeira do Decreto 96/2025, do 6 de outubro, polo que se regula a Certificación Galega de Excelencia en Igualdade e o Rexistro de empresas e entidades do terceiro sector recoñecidas coa Certificación Galega de Excelencia en Igualdade. A Certificación Galega de Excelencia en Igualdade configúrase como un distintivo outorgado pola Administración autonómica para recoñecer aquelas empresas ou entidades do terceiro sector que destaquen na aplicación das políticas de igualdade para a equiparación laboral entre mulleres e homes. 

En base á referida habilitación, esta orde regula:

• O contido da memoria xustificativa e a documentación oportuna para acreditar o cumprimento das condicións esixidas no artigo 4.1.j) do Decreto 96/2025, do 6 de outubro.
• Os supostos de alteración ou incumprimento de condicións do citado artigo 4.1.j), sempre que a dita alteración supoña o empeoramento substancial dos criterios de igualdade previstos no artigo 5 do decreto para os efectos da aplicación da causa de revogación contida no artigo 14.1.c).3º do Decreto 96/2025, do 6 de outubro.
• O método de valoración e ponderación dos criterios de igualdade regulados no artigo 5 do Decreto 96/2025, do 6 de outubro.
• A puntuación mínima que deberá acadarse, para a obtención ou renovación do distintivo, na valoración establecida na letra anterior.