esta orde ten por obxecto regular a creación e regulación do ficheiro informatizado denominado Rexistro galego de persoas centenarias, en adiante, REGACE.

O REGACE é un sistema de información sociodemográfica, clinico-epidemiolóxica e estatística de ámbito autonómico e natureza administrativa, para a recollida e análise dos datos determinantes da lonxevidade das persoas centenarias que residan no territorio da Comunidade Autónoma de Galicia.

O REGACE non ten carácter público, estando sometido ao principio de confidencialidade e ao respecto da normativa reguladora de protección de datos de carácter persoal.