este decreto ten por obxecto a regulación do Foro do Litoral de Galicia como órgano colexiado de participación, asesoramento e consulta en materia de ordenación do litoral de Galicia, creado pola Lei 4/2023, do 6 de xullo, de ordenación e xestión integrada do litoral de Galicia.

O Foro do Litoral de Galicia configúrase como un órgano colexiado dos previstos na sección 3ª do Capítulo I do Título I da Lei 16/2010, do 17 de decembro, de organización e funcionamento da Administración Xeral e do sector público autonómico de Galicia, e adscríbese á consellería competente en materia de ordenación do litoral, a través da dirección xeral correspondente e promoverá a colaboración entre a administración pública, os sectores implicados e a cidadanía.