esta orde ten por obxecto regular a proba para a obtención do título de bacharel para persoas maiores de vinte anos no ámbito de xestión da Comunidade Autónoma de Galicia. Consta dun total de 21 artigos, unha disposición derrogatoria e dúas disposicións derradeiras, distribuídas en catro capítulos: o primeiro deles establece as disposicións xerais, o segundo regula o procedemento de admisión na proba, o terceiro regula o recoñecemento de estudos previos, exencións e validacións e o cuarto, a avaliación e certificación.