na disposición adicional segunda da Lei 9/2016 aparece recollida a posibilidade de efectuar procesos selectivos para o acceso aos corpos de policía local do persoal funcionario dos concellos, previsto no artigo 53.3 da Lei Orgánica 2/1986, do 13 de marzo, de forzas e corpos de seguridade, que teñen ademais a consideración de axentes da autoridade, encargados da realización exclusiva das funcións de ordenar, sinalizar e dirixir o tráfico no casco urbano, recollidas no apartado 1.b do mesmo artigo.

Dita disposición adicional segunda sinala que este procedemento especial de acceso se desenvolverá a través do sistema de concurso-oposición, no que o persoal deberá contar cunha antigüidade mínima de tres anos continuados neses postos, e asemade a titulación académica de acceso para o Grupo C1.

Engade que mediante unha orde da consellería competente en materia de seguridade, se determinarán aqueloutros requisitos de carácter específico para este procedemento, que en todo caso incluirá a superación de probas teóricas e prácticas equivalentes ás que se esixen para o acceso libre aos Corpos de Policía local, e a superación tanto dun curso de formación na Academia Galega de Seguridade Pública como dun período de prácticas.