Os profesionais que interveñen nos procedementos de prestación e xestión de servizos do sistema sanitario público galego que precisen acceder ás aplicacións informáticas da Consellería competente en materia de Sanidade e do Servizo Galego de Saúde que incorporen sinatura dixital e realizar anotacións nelas deberán obter e custodiar un certificado electrónico proporcionado pola Consellería de Sanidade e o Servizo Galego de Saúde. O certificado será de empregado público no caso das persoas con vínculo contractual directo coa Consellería ou Servizo Galego de Saúde. Recoñécense outros medios de sinatura dixital como o DNI electrónico e os certificados profesionais emitidos por outras entidades, públicas ou privadas, ou de colexios profesionais.

Disponse o cambio de prestador de servizos. Antes era a Fábrica Nacional de Moneda y Timbre-Real Casa de la Moneda. Agora será a Consellería de Sanidade e o Servizo Galego de Saúde.