Obxecto: 1. Este decreto ten por obxecto a ordenación dos establecementos turísticos de aloxamento na modalidade de campamento de turismo ou cámping aos que se refire o artigo 66 da Lei 7/2011, do 27 de outubro, do turismo de Galicia, no ámbito da Comunidade Autónoma de Galicia.
2. Quedan excluídos do ámbito de aplicación deste decreto os aloxamentos aos que se refire o artigo 53, apartados 2 e 3 da Lei 7/2011, do 27 de outubro; os campamentos xuvenís, albergues, centros e colonias de vacacións escolares, as áreas provisionais de acampada por eventos culturais, recreativos ou deportivos, así como toda clase de acampadas que estean reguladas polas súas normas específicas.
3. Considérase campamento de turismo o establecemento de aloxamento turístico que, ocupando un espazo de terreo debidamente delimitado e dotado das instalacións e servizos que se establezan regulamentariamente, estea destinado a facilitar a estancia temporal en tendas de campaña, caravanas, autocaravanas ou calquera outro elemento semellante facilmente transportable, así como doutras instalacións estables destinadas ao aloxamento temporal que sexan explotadas polo mesmo titular do campamento.

• Desde o 12/3/2018 ata o 3/4/2018 estará en trámite de información pública