o obxecto da orde é modificar o contido do ficheiro de datos de carácter persoal denominado Relacións administrativas coa cidadanía e entidades, co obxecto de cumprir coa Lei orgánica 15/1999, do 13 de decembro, de protección de datos de carácter persoal. Para tal efecto, amplíanse os apartados da descrición da finalidade do ficheiro prevendo a relación con outros organismos públicos, os colectivos, a estrutura básica do ficheiro (incluíndo saúde e violencia de xénero), expóñense as cesións de datos previstas e elévase o nivel de protección a alto.