Obxecto: O obxecto da norma é regular o uso e acceso á Historia Social Única Electrónica, como sistema para a xestión da información e documentos nos que conteñan datos, valoracións e a información de calquera tipo sobre a situación e a evolución da atención social das persoas usuarias do Sistema Galego de Servizos Sociais ao longo do proceso de intervención.

Na nova norma establecese o seu contido, a responsabilidade da súa elaboración, a custodia e a conservación, a súa xestión, o acceso polos profesionais relacionados co Sistema Galego de Servizos Sociais e polas persoas usuarias, así como a protección dos datos persoais, e as responsabilidades.