O decreto ten por obxecto modificar determinados aspectos contidos na Sección segunda do Capítulo II do Título II do Decreto 146/2001, do 7 de xuño, sobre planificación, apertura, traslado, peche e transmisión de oficinas de farmacia, relativos ao procedemento de autorización e adxudicación de novas oficinas de farmacia, o cal seguirá a realizarse mediante concurso público aínda que, a partir de agora, nun acto único ao que están chamados todos os participantes, os cales concorrerán a todas as oficinas convocadas.

Asemade, a modificación proxectada establece prazos máis axustados para a tramitación do procedemento, prevendo tamén a baremación de méritos de acordo co sinalado no baremo recollido e publicado na correspondente convocatoria.