Órgano ou entidade impulsora: Dirección Xeral de Ordenación e Innovación Educativa

Departamento: Consellería de Cultura, Educación, Formación Profesional e Universidades - Dirección Xeral de Ordenación e Innovación Educativa

Estado actual: Consulta pechada

Prazo no que estivo aberta a consulta: 29/03/2023 - 12/04/2023

Información sobre a norma :

• Antecedentes:

  a Lei orgánica 2/2006, do 3 de maio, de Educación, na redacción dada pola Lei Orgánica 3/2020, do 29 de decembro, establece no seu artigo 124.5 que as Administracións educativas regularán os requisitos e as funcións que debe desempeñar o coordinador ou coordinadora de benestar e protección, que debe designarse en todos os centros educativos independentemente da súa titularidade. 

  A Lei orgánica 8/2021 do 4 de xuño, de protección integral á infancia e á adolescencia fronte á violencia, dedica o Capítulo IV ao ámbito educativo. No artigo 35.1 refírese á obrigatoriedade en todos os centros docentes, independentemente da súa titularidade onde cursen estudos persoas menores de idade, debe contar cunha persoa coordinadora para o benestar e a protección do alumnado, que actuará baixo a supervisión da persoa que ostente a dirección ou titularidade do centro.

• Problemas que se pretenden solucionar:

  determinar os requisitos e funcións que debe desempeñar a coordinadora ou o coordinador de benestar e protección.

• Necesidade e oportunidade da súa aprobación:

  regular a nova figura de coordinación de benestar e protección tendo en conta que os centros xa tiñan figuras dedicadas ao plan de convivencia e á dinamización da convivencia. Polo cal esta norma permitirá reorganizar as funcións que se realizan nos centros sobre os aspectos de convivencia, benestar e protección.

• Obxectivos:

  concretar as funcións da persoa que exerza a coordinación do benestar e convivencia nos centros docentes.

• Posibles solucións, alternativas, regulatorias e non regulatorias:

  considérase que para cumprir o mandato normativo do Decreto a mellor alternativa é desenvolvelo a través dunha norma con rango de orde.

• Rango da norma:

  Orde

Achegas e opinións recibidas: 1