-
Antecedentes:
O Real Decreto 14/2023, do 17 de xaneiro, polo que se modifica o Real Decreto 242/2009, do 27 de febreiro, polo que se establecen validacións entre as ensinanzas profesionais de Música e de Danza e a Educación Secundaria obrigatoria e o Bachillerato, así como os efectos que sobre a materia de Educación Física deben ter a condición de deportista de alto nivel ou alto rendemento e as ensinanzas profesionais de Danza adaptou os anexos II, III, IV e V de validacións entre diversas materias de bachallerato e determinadas asignaturas profesionais de música e de danza, e das devanditas asignaturas coas materias de bacharelato, para acomodalos ás novas materias de bacharelato introducidas coa aprobación da Lei orgánica 3/2020, do 29 de decembro, pola que se modifica a Lei orgánica 2/2006, do 3 de maio, de Educación.
En Galicia, a norma de aplicación actual é a Orde do 7 de xullo de 2010 pola que se establecen medidas de ordenación académica para o alumnado que cursa as ensinanzas profesionais de múisca e de danza e as ensinanzas de réxime xeral.
-
Problemas que se pretenden solucionar:
Regular as validacións de materias e asignaturas entre as ensinanzas de educación secundaria obrigotoria e de bacharelato coas ensinanzas de música e de danza, así como con outras consideracións como ter a condición de deportista de alto nivel ou alto rendemento.
-
Necesidade e oportunidade da súa aprobación:
Actualizar a normativa galega á nova lei educativa e aos cambios introducidos polo Real decreto 14/2023, do 17 de xaneiro.
-
Obxectivos:
Concretar os aspectos de validación e exención de materias entre as mencionadas ensinanzas e a condición de deportista de alto nivel ou alto rendemento para o sistema educativo galego.
-
Posibles solucións, alternativas, regulatorias e non regulatorias:
Na Disposición derradeira segunda do Decreto 156/2002 , do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e do Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia facúltase a persoa titular da consellería con competencias en materia de educación para ditar cantas disposicións sexan precisas no relativo ao seu desenvolvemento.
Polo tanto, considérase que para cumprir o mandato normativo a mellor alternativa é desenvolvelo a través dunha norma con rango de orde.
-
Rango da norma:
Orde