-
Antecedentes:
A Lei orgánica 3/2020, de 29 de decembro, pola que se modifica a Lei orgánica 2/2006, do 3 de maio, de educación, introduciu modificacións na regulación do currículo e da ordenación das distintas etapas educativas, entre outras, da etapa de bacharelato.
En desenvolvemento das referidas modificacións introducidas na Lei orgánica 2/2006, do 3 de maio, de educación, o Real Decreto 243/2022, do 5 de abril, estableceu a ordenación e as ensinanzas mínimas do bacharelato.
O Decreto 157/2022, do 15 de setembro, que establece a ordenación e o currículo do bacharelato na Comunidade Autónoma de Galicia, regula no artigo 10.7 que o alumnado debe cursar unha materia optativa en 1º curso e no artigo 11.7 que o alumnado debe cursar unha materia en 2º curso, indicando que a consellería con competencias en materia de educación establecerá o currículo das materias optativas ás que se refiren nese punto de ambos artigos.
-
Problemas que se pretenden solucionar:
Establecer o currículo para as materias optativas de 1º e 2º curso da etapa de bacharelato e regular os requisitos para a súa oferta nos centros educativos.
-
Necesidade e oportunidade da súa aprobación:
Actualizar os currículos das materias optativas da etapa de bacharelato que se indican no Decreto 157/2022, do 15 de setembro, e adecuar os seus currículos ao novo modelo de currículo galego.
-
Obxectivos:
Establecer o currículo e regular a oferta das materias optativas da etapa de bacharelato na Comunidade Autónoma de Galicia.
-
Posibles solucións, alternativas, regulatorias e non regulatorias:
Os artigos 10.7 e 11.7 do Decreto 157/2022, do 15 de setembro, establece que a consellería con competencias en materia de educación establecerá o currículo das materias optativas ás que se refiren os devanditos puntos de acordo co establecido nese decreto.
Polo tanto, considérase que para cumprir o mandato normativo dese decreto a mellor alternativa é desenvolvelo a través dunha norma con rango de orde.
-
Rango da norma:
Orde