Órgano ou entidade impulsora: Servizo Galego de Saúde (Dirección Xeral de Asistencia Sanitaria)

Departamento: Consellería de Sanidade - Servizo Galego de Saúde (Sergas)

Estado actual: Consulta pechada

Prazo no que estivo aberta a consulta: 12/03/2020 - 28/03/2020

Información sobre a norma :

• Antecedentes:

  Regulamento das funcións, xornada laboral, retribucións e criterios de selección de persoal do persoal médico de admisión e documentación clínica.

• Problemas que se pretenden solucionar:

  Preténdese a actualización das funcións do persoal estatutario médico de admisión e documentación clínica no ámbito das institucións sanitarias do Servizo Galego de Saúde.

• Necesidade e oportunidade da súa aprobación:

  As Áreas Sanitarias tal e como dispón o Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema Público de Saúde de Galicia, asumen, con autonomía funcional e de forma integrada, a xestión dos recursos sanitarios, prestacións e programas de atención sanitaria.

  Por outra banda, a Lei 12/2013, do 9 de decembro, de garantías de prestacións sanitarias, establece, en relación á prestación de servizos sanitarios por parte do Sistema Público de Saúde de Galicia, dereitos como á atención sanitaria, á libre elección de médico de familia, pediatra, hospital ou complexo hospitalario, entre outros.

  O sistema sanitario debe adaptar os seus procedementos clínicos e de xestión para facilitar á cidadanía a información pertinente e axilizar os trámites administrativos necesarios para exercer os devanditos dereitos, o que contribuirá á mellora do Sistema Público de Saúde de Galicia.

• Obxectivos:

  A adscrición dos servizos de admisión ás xerencias de área correspondente, onde existirá unha coordinación de Admisión, que asumirá as funcións de admisión, arquivo e documentación clínica.

• Posibles solucións, alternativas, regulatorias e non regulatorias:

  Para mellorar a organización e xestión, existirá con nivel orgánico de xefatura de servizo que dependendo directamente da persoa xerente da área sanitaria, terá as funcións de coordinación de admisión, arquivo e documentación clínica.

• Rango da norma:

  Decreto