Órgano ou entidade impulsora: Consellería de Medio Ambiente, Territorio e Vivenda
Departamento:
Consellería de Medio Ambiente, Ordenación do Territorio e Vivenda
Estado actual: Consulta pechada
Prazo no que estivo aberta a consulta:
17/01/2020
-
31/01/2020
Información sobre a norma :
-
Antecedentes:
- Convenio sobre avaliación do impacto no medio ambiente, nun contexto transfronteirizo, do 25 de febreiro de 1991, coñecido como Convenio de Espoo
- Directiva 2001/42/CE, do 27 de xuño, sobre avaliación das repercusións de determinados plans e programas no medio ambiente, e a Directiva 2011/92/UE, do 13 de decembro, de avaliación das repercusións de determinados proxectos públicos e privados sobre o medio ambiente
- Lei 21/2013, do 9 de decembro, de avaliación ambiental
- Lei 1/1995, do 2 de xaneiro, de Protección Ambiental da Comunidade Autónoma de Galicia
- Lei 12/2011, do 26 de decembro, de medidas fiscais e administrativas
- Lei 9/2013, do 19 de decembro, do emprendemento e da competitividade económica de Galicia
- Lei 5/2017, do 19 de outubro, de fomento da implantación de iniciativas empresariais en Galicia
-
Problemas que se pretenden solucionar:
Esta nova lei permitirá refundir a regulación dispersa en distintos textos lexislativos dando seguridade xurídica, e na que se regularía un procedemento propio, máis áxil, das avaliacións de impacto ambiental que permita facer compatible a protección do medio ambiente e o desenvolvemento económico, sempre no marco da norma básica de aplicación, que poidan facer máis competitivas as empresas galegas, tanto no eido da redución dos prazos dos procedementos ambientais como a posibilidade da súa simplificación nos casos nos que sexa posible.
-
Necesidade e oportunidade da súa aprobación:
A disparidade normativa e a ausencia dun procedemento propio de avaliación de impacto ambiental que permita simplificar os seus trámites e acurtar os prazos nos que se deba ditar o informe de avaliación ambiental leva a esta Consellería a propoñer que se inclúa no calendario normativo unha nova lei de avaliación ambiental de Galicia.
-
Obxectivos:
Protección e mellora do medio ambiente; acción preventiva e cautelar; prevención, corrección e compensación dos impactos sobre o medio ambiente; racionalización; proporcionalidade entre os efectos sobre o medio ambiente e o tipo de procedemento de avaliación, participación pública, desenvolvemento sostible e integración dos aspectos ambientais na toma de decisións; simplificación administrativa e o interese pola consecución dous principios de axilidade e eficacia nesta materia, sen que isto supoña unha mingua do respecto aos valores naturais e á riqueza do noso territorio.
-
Posibles solucións, alternativas, regulatorias e non regulatorias:
A alternativa sería manter a actual regulación coa Lei 1/1995, do 2 de xaneiro, de Protección Ambiental da Comunidade Autónoma de Galicia, que coma xa se expuxo vén a devir obsoleta.
-
Rango da norma:
Lei
Achegas e opinións recibidas: 698