-
Antecedentes:
O Decreto 151/2014, do 20 de novembro, regula a sanidade mortuoria en Galicia. Nese momento a regulación tiña como obxectivo superar a distinción que existía entre cemiterios, aplicar a normativa da Directiva 2006/123/CE do Parlamento Europeo e do Consello do 12 de decembro de 2006, modificar os requisitos de outorgamento das licencia municipais e, en xeral, a modificación das competencias das entidades locais nese aspecto.
O Pleno do Parlamento de Galicia aprobou, en abril de 2017. unha PNL na que instaba á Xunta de Galicia a regular os enterramentos que teñan que ser feitos en contacto coa terra.
Así mesmo, A Comisión de Saúde Pública, no marco do Consello Interterritorial do Sistema Nacional de Saúde ten aprobada desde xuño de 2018 a "Guía de consenso sobre sanidade mortuoria" que establece novos aspectos que deben ser incorporados á normativa autonómica vixente.
-
Problemas que se pretenden solucionar:
Ademais de realizar unha revisión das normas de sanidade mortuoria, a nova regulamentación deberá de especificar os requisitos para realizar exhumacións de cadáveres e restos cadavéricos, a realización de enterramentos especiais, a situación dos crematorios e a creación do censo de prestadores de servizos funerarios no que se inscribirán as empresas funerarias, tanatorios, velorios e crematorios de Galicia.
Como xa se indicou antes regulará especialmente a posibilidade da inhumación dos cadáveres sen féretro que para os casos que por razóns de confesionalidade así se demande, en cumprimento do aprobado polo Parlamento de Galicia, e implementará o acordado pola Comisión de Saúde Pública no marco do CISNS na Guía indicada na normativa propia, como por exemplo, a creación do censo de prestadores de servizos funerarios no que se inscribirán as empresas funerarias, tanatorios, velorios e crematorios de Galicia e a implantación dunha nova clasificación de cadáveres en función do seu risco sanitario polas causas de defunción, recolléndose estas nun anexo ao decreto.
-
Necesidade e oportunidade da súa aprobación:
A necesidade ven establecida polo cumprimento dos acordos parlamentarios e pola adaptación á normativa autonómica dos acordos do Consello Interterritorial do Sistema Nacional de Saúde.
Por outra parte hai unha serie de aspectos que se deben desenvolverse na normativa da comunidade.
A oportunidade ven dada pola necesidade de regular ou, no seu caso, modificar situacións que neste momento non están debidamente asimiladas coa realidade existente.
-
Obxectivos:
Ademais de realizar unha revisión da normas de sanidade mortuoria, a nova regulamentación deberá especificar os requisitos para realizar exhumacións, a realización de enterramentos especiais e a situación dos crematorios.
Como xa se indicou antes regulará especialmente os enterramentos feitos en contacto coa terra, en cumprimento do aprobado polo Parlamento de Galicia e, implementará o acordado polo Consello Interterritorial do Sistema Nacional de Saúde (CISNS) na guía indicada na normativa propia.
-
Posibles solucións, alternativas, regulatorias e non regulatorias:
Na actualidade está vixente o Decreto 151/2014, do 20 de novembro, que regula a sanidade mortuoria en Galicia.
A nova regulación que se pretende elaborar require a aprobación dunha norma de igual xerarquía.
Non existe, por tanto, outra solución alternativa para a regulación da sanidade mortuoria que a indicada.
-
Rango da norma:
Decreto