Órgano ou entidade impulsora: Augas de Galicia
Departamento:
Consellería de Infraestruturas e Mobilidade - Augas de Galicia
Estado actual: Consulta pechada
Prazo no que estivo aberta a consulta:
24/01/2019
-
07/02/2019
Información sobre a norma :
-
Antecedentes:
- Texto refundido da Lei de augas, aprobada polo Real Decreto Lexislativo 1/2001, do 20 de xullo
- Regulamento do Dominio Público Hidráulico, aprobado polo Real Decreto 849/1986, do 11 de abril
- Lei 9/2010, do 4 de novembro, de augas de Galicia
-
Problemas que se pretenden solucionar:
Preténdese simplificar a tramitación naqueles supostos nos que a repercusión no dominio público é mínima ou inexistente ao non se producir alteracións substanciais do relevo e non supor obstáculos, degradación ou deterioración.
-
Necesidade e oportunidade da súa aprobación:
O previsto acóllese aos principios de boa regulación recollidos no artigo 129 da Lei 39/2015, do 1 de outubro, do procedemento administrativo común das Administracións públicas.
-
Obxectivos:
Incluír dentro do réxime da declaración responsable previa as denominadas actuacións menores de mantemento e conservación de infraestruturas e instalacións no dominio público e na súa zona de policía.
-
Posibles solucións, alternativas, regulatorias e non regulatorias:
Non hai máis alternativas que optar entre o réxime actual (autorización das actuacións) e o pretendido coa norma que se propón (presentación de declaración responsable).
-
Rango da norma:
Decreto