Órgano ou entidade impulsora: Dirección Xeral de Saúde Pública

Departamento: Consellería de Sanidade - Dirección Xeral de Saúde Pública

Estado actual: Consulta pechada

Prazo no que estivo aberta a consulta: 03/08/2018 - 20/08/2018

Información sobre a norma :

• Antecedentes:

  • Estatal: Real decreto 191/2011, do 18 de febreiro, sobre Rexistro Xeral Sanitario de Empresas Alimentarias e Alimentos
  • Autonómica: Decreto 204/2012, do 4 de outubro, polo que se crea o Rexistro Galego Sanitario de Empresas e Establecementos Alimentarios

• Problemas que se pretenden solucionar:

  Clarexar que empresas e establecementos non serán obxecto de inscrición no Regasa e actualizar a descrición dos códigos e das actividades comerciais dos establecementos obxecto de inscrición. Facer efectiva a obriga de relacionarse coa Administración electronicamente. Modificación de formularios para as comunicacións de inicio de actividade, modificación ou cese.

• Necesidade e oportunidade da súa aprobación:

  Debido ao dinamismo das actividades comerciais deben ser actualizadas as definicións e clasificación das devanditas actividades, incorporando novos códigos e descricións co fin de abarcar todas as actividades ligadas aos establecementos obxecto de inscrición no Regasa.

• Obxectivos:

  O obxectivo último da modificación é a protección da saúde pública e os intereses das persoas consumidoras finais mediante o exercicio por parte da Administración das súas funcións de control e inspección tanto sobre as empresas e establecementos como sobre o exercicio das súas actividades comerciais.

• Posibles solucións, alternativas, regulatorias e non regulatorias:

  A modificación dos códigos e a descrición das actividades abranguen todas as actividades comerciais ligadas aos establecementos obxecto de asento do Regasa.

  Desenvólvese o artigo 14.3 da Lei 39/2015, do 1 de outubro, que regula a posibilidade de que "por vía regulamentaria, as administracións poidan establecer a obriga de relacionarse con elas a través de medios electrónicos para determinados procedementos e para certos colectivos de persoas físicas que por razón da súa capacidade económica, técnica, dedicación profesional ou outros motivos quede acreditado que teñen acceso e dispoñibilidade dos medios electrónicos necesarios."

• Rango da norma:

  Decreto