Órgano ou entidade impulsora: Dirección Xeral de Mobilidade

Departamento: Consellería de Infraestruturas e Vivenda - Dirección Xeral de Mobilidade

Estado actual: Consulta pechada

Prazo no que estivo aberta a consulta: 29/06/2018 - 12/07/2018

Información sobre a norma :

• Antecedentes:

  O artigo 182.4 do Real decreto 1211/1990, do 28 de setembro, polo que se aproba o regulamento da Lei de ordenación do transporte terrestre, habilita ás comunidades autónomas a esixir que os vehículos amparados en autorizacións de arrendamento con condutor se identifiquen externamente mediante algún distintivo, en relación coa competencia das devanditas comunidades exercida por delegación do Estado.
  
  A Lei 9/2017, do 26 de decembro, de medidas fiscais e administrativas, deulle unha nova redacción ao artigo 53 da Lei 4/2013, do 30 de maio, de transporte público de persoas en vehículos de turismo de Galicia, esixindo que os vehículos adscritos a autorizacións de arrendamento con condutor domiciliadas en Galicia dispoñan dun distintivo identificador desta actividade, consistente nun autoadhesivo de vinilo que se deberá colocar na parte dianteira e traseira do vehículo.

• Problemas que se pretenden solucionar:

  A falta de identificación dos vehículos amparados en autorizacións administrativas de arrendamento con condutor pode dar lugar a prácticas fraudulentas no desenvolvemento desta actividade. Tamén serven para a súa distinción de vehículos non autorizados que poidan estar exercendo esta actividade de forma fraudulenta.

• Necesidade e oportunidade da súa aprobación:

  Dar cumprimento ao mandato establecido na  Lei 9/2017, do 26 de decembro, de medidas fiscais e administrativas, que modifica o artigo 53 da Lei 4/2013, do 30 de maio, de transporte público de persoas en vehículos de turismo de Galicia, esixindo que os vehículos adscritos a autorizacións de arrendamento con condutor domiciliadas en Galicia dispoñan dun distintivo identificador desta actividade, consistente nun autoadhesivo de vinilo que se deberá colocar na parte dianteira e traseira do vehículo.

• Obxectivos:

  Permitir que os vehículos adicados ao arrendamento con condutor que conten con autorización administrativa se atopen identificados cun distintivo que posibilite verificar tanto a vixencia da súa autorización como a matrícula do vehículo que desenvolve a actividade.

• Posibles solucións, alternativas, regulatorias e non regulatorias:

  A regulación do modelo de distintivo e a súa utilización.

• Rango da norma:

  Orde