Órgano ou entidade impulsora: Dirección Xeral de Ordenación Forestal

Departamento: Consellería do Medio Rural

Estado actual: Consulta pechada

Prazo no que estivo aberta a consulta: 18/05/2017 - 06/06/2017

Información sobre a norma :

• Antecedentes:

  O Decreto 23/2016, do 25 de febreiro, establece varios procedementos relacionados coas obrigacións de reinvestimento previstas no artigo 125 da Lei 7/2012, do 28 de xuño, de montes de Galicia.

  As comunidades veciñais tamén se regulan polo Decreto 260/1992, do 4 de setembro, polo que se aproba o regulamento para a execución da Lei 13/1989, do 10 de outubro, de montes veciñais en man común.

• Problemas que se pretenden solucionar:

  Preténdese modificar o Decreto 23/2016 para mellorar as comunicacións de reinvestimento, incluír a solicitude de redución de cota, engadir o procedemento de autorización do plan de investimentos plurianual e regular o tratamento que se dá ás subvencións cuxo destino son investimentos no monte.

  A maiores, trátase de adaptar a normativa á entrada en vigor da Lei 39/2015, do 1 de outubro, do procedemento administrativo común das administracións públicas.

   

• Necesidade e oportunidade da súa aprobación:

  A necesidade vén determinada polas melloras que son necesarias e a entrada en vigor da Lei 39/2015.

• Obxectivos:

  Corrixir os problemas sinalados.

• Posibles solucións, alternativas, regulatorias e non regulatorias:

  Ao tratarse de desenvolvementos de leis, as alternativas defínense polo alcance e detalle do desenvolvemento.

   

• Rango da norma:

  Decreto