-
Antecedentes:
O Real decreto 659/2023, do 18 de xullo, polo que se desenvolve a Lei orgánica 3/2022, do 31 de marzo, de ordenación e integración da formación profesional, modifica o modelo existente e establece os aspectos básicos do novo Sistema de formación profesional, que pretende mellorar a calidade e a relevancia da formación profesional, así como a súa adaptación ás necesidades do mercado laboral e aos avances tecnolóxicos.
Coa publicación do Real decreto 278/2023, do 11 de abril, polo que se establece o calendario de implantación do novo sistema de formación profesional, fíxase que no curso 2024-2025 se completará a implantación do primeiro curso de todos os ciclos formativos.
Estas circunstancias fan necesaria, e sen demoras, unha nova regulación normativa da nosa ordenación da formación profesional e a concreción dos aspectos recolleitos no Real decreto 659/2023.
-
Problemas que se pretenden solucionar:
Dar resposta dunha maneira áxil e adecuada á necesidade de desenvolvemento autonómico desta normativa estatal: Lei orgánica 3/2022, do 31 de marzo, de ordenación e integración da formación profesional, e o Real decreto 659/2023, do 18 de xullo, polo que se desenvolve a ordenación do Sistema de formación profesional, e que supoñen a transformación global do Sistema de formación profesional.
-
Necesidade e oportunidade da súa aprobación:
A Consellería de Cultura, Educación, Formación Profesional e Universidades valorou a necesidade e a oportunidade deste decreto, para se adecuar ao obxectivo de desenvolver a normativa básica recollida na Lei orgánica 3/2022, do 31 de marzo, de ordenación e integración da formación profesional, e o Real decreto 659/2023, do 18 de xullo, polo que se desenvolve a ordenación do Sistema de formación profesional, acometendo unha nova regulación onde se consolide a formación profesional en Galicia.
-
Obxectivos:
Son obxectivos do proxecto de decreto:
- Adecuar a normativa regulamentaria aos cambios implantados tras a entrada en vigor da Lei orgánica 3/2022 e o Real decreto 659/2023, como é a regulación da nova oferta de formación profesional.
- Establecer a estrutura, a organización e a regulación xeral da formación profesional na Comunidade Autónoma de Galicia, adaptándoa ás necesidades e ás demandas do mercado laboral.
-
Posibles solucións, alternativas, regulatorias e non regulatorias:
Non é posible conseguir os obxectivos indicados con solucións alternativas reguladoras e non reguladoras.
-
Rango da norma:
Decreto