-
Antecedentes:
Anunciase o trámite de participación pública dun documento base do Plan de Conservación do ENIL "Brañas de Sada". Este plan será, tras a súa completa tramitación, aprobado por Decreto do Consello da Xunta.
O ENIL “Brañas de Sada” foi declarado de xeito provisional pola Orde de 27 de xaneiro de 2020 (DOG núm. 28, do 11.02.2020). A aprobación do plan é necesaria para a súa declaración definitiva.
O día 07.12.2022 a vicepresidenta segunda e conselleira de Medio Ambiente, Territorio e Vivienda asinou o Acordo de inicio para a elaboración e tramitación do proxecto de decreto polo que se aproba o plan de conservación deste espazo natural.
A tramitación do plan segue o procedemento establecido no Decreto 124/2005, do 6 de maio, polo que se regula a figura de espazo natural de interese local e a figura do espazo privado de interese natural, de acordo co establecido na disposición transitoria sétima, punto 2 da Lei 5/2019, do 2 de agosto, de patrimonio natural e da biodiversidade de Galicia.
-
Problemas que se pretenden solucionar:
En relación aos problemas que pretende solucionar, o Plan de conservación, tras unha análise da súa situación actual, determinará as presións e ameazas que está a sufrir o espazo.
O Plan busca a redución destas presións e ameazas a través do desenvolvemento dunha regulación de usos e actividades compatibles co mantemento nun estado de conservación favorable do espazo e o establecemento de axeitadas medidas de xestión.
-
Necesidade e oportunidade da súa aprobación:
A elaboración do instrumento de planificación deste espazo protexido é un deber recollido na Lei 9/2001, do 21 de agosto (actualmente derrogada pola Lei 5/2019, do 2 de agosto, ainda que, de acordo coa disposición transitoria sétima, punto 2 da Lei 5/2019, do 2 de agosto, se continúa coa tramitación segundo a Lei 9/2001, do 21 de agosto.
-
Obxectivos:
Establecer o réxime de usos e de actividades permisibles e as limitacións que se consideren necesarias para a conservación do espazo protexido, así como as medidas para a conservación da xeodiversidade, dos hábitats e das especies.
-
Posibles solucións, alternativas, regulatorias e non regulatorias:
A elaboración do instrumento de planificación deste espazo protexido é un deber recollido na Lei 9/2001, do 21 de agosto (actualmente derrogada pola Lei 5/2019, do 2 de agosto, ainda que, de acordo coa disposición transitoria sétima, punto 2 da Lei 5/2019, do 2 de agosto, se continúa coa tramitación segundo a Lei 9/2001, do 21 de agosto.
-
Rango da norma:
Decreto