-
Antecedentes:
A Lei 10/2014, do 3 de decembro, de accesibilidade ten por obxecto garantirlles ás persoas con discapacidade a igualdade de oportunidades en relación coa accesibilidade universal e co deseño para todos respecto dos contornos, procesos, bens, produtos e servizos, así como en relación cos obxectos ou instrumentos, ferramentas e dispositivos, de modo que estes se fagan comprensibles, utilizables e practicables por todas as persoas, en igualdade de condicións de seguridade e comodidade e do xeito máis autónomo e natural posible.
Esta norma recolle, na disposición derradeira primeira, o mandato á Xunta de Galicia de aprobar o regulamento de desenvolvemento e o código de accesibilidade que conteña todas as normas técnicas aplicables na materia. O mesmo precepto recolle como contido mínimo do desenvolvemento regulamentario, para definir a condición de accesible, os parámetros de accesibilidade que se definen no Real decreto lexislativo 1/2013, do 29 de novembro, polo que se aproba o texto refundido da Lei xeral de dereitos das persoas con discapacidade e da súa inclusión social, e na súa normativa de desenvolvemento.
-
Problemas que se pretenden solucionar:
Cubrir a regulación normativa de desenvolvemento establecido na Lei 10/2014, do 3 de decembro.
-
Necesidade e oportunidade da súa aprobación:
A necesidade do desenvolvemento normativo da Lei de accesibilidade deriva da esixencia de regular os parámetros de accesibilidade para posibilitar a efectiva implementación desta na contorna e infraestruturas das persoas con dificultades.
-
Obxectivos:
O desenvolvemento da Lei 10/2014, do 3 de decembro, de accesibilidade de Galicia, mediante o establecemento das normas e criterios de accesibilidade en espazos públicos, infraestruturas, edificación, transporte e comunicación, do código de accesibilidade e das medidas de planificación, fomento e control na materia.
-
Posibles solucións, alternativas, regulatorias e non regulatorias:
A Lei 10/2014, do 3 de decembro, establece a obriga de facer un desenvolvemento regulamentario, polo que non existen alternativas regulatorias á norma que se está a tramitar.
-
Rango da norma:
Decreto