Obxecto: o Decreto 447/1996, do 26 de decembro, regula as bases para a homologación e integración no réxime estatutario do persoal funcionario e laboral dos centros transferidos e faculta á Consellería de Sanidade para adoptar as medidas de desenvolvemento e execución necesarias.

O acordo polo que se establecen as bases da carreira profesional no ámbito do Servizo Galego de Saúde e as entidades adscritas á Consellería de Sanidade e ao devandito organismo, aprobado polo Consello da Xunta o 19 de xullo de 2018, dispón que por ordes da Consellería de Sanidade se realizarán, no segundo semestre de 2018, novas ofertas de integración no réxime estatutario, dirixidas ao persoal funcionario e laboral fixo incluído no ámbito do referido Decreto. O persoal integrado poderá acceder ao grao I nas condicións e cos mesmos efectos previstos no réxime transitorio e excepcional de encadramento.