Obxecto: pretende perfeccionar o réxime xurídico en vigor no ámbito do réxime electoral das federacións deportivas galegas. Presenta distintos aspectos dirixidos ao establecemento nas federacións deportivas de procesos electorais máis libres e transparentes, con igualdade de condicións e coa maior garantía para o exercicio do dereito de sufraxio polos/as electores/as, concretándose en distintas previsións de natureza organizativa e procedimental en sintonía coas pautas legais establecidas polo lexislador, sen alterar os seus aspectos e elementos esenciais, e coa xurisprudencia ditada sobre a materia.