este decreto é unha resposta a un mandato legal xenérico, á necesidade das administracións públicas de adecuarse ás novas tecnoloxías, e máis en concreto, de empregar o soporte electrónico nos libros de actas e resolucións das entidades locais; por maior abastanza responde a unha demanda feita polos colectivos implicados, alcaldes e secretarios dos concellos, ante a carencia dun marco normativo específico.

Dáse amparo legal, dentro das competencias da Comunidade Autónoma de Galicia, aos libros de actas e resolucións en soporte electrónico e, por primeira vez, á incorporación de formatos audiovisuais á gravación das sesións dos órganos colexiados, práctica cada vez máis estendida entre os concellos, como parte integrante das actas das sesións dos órganos colexiados, de tal xeito que ditas gravacións pasarán a formar parte das actas sempre que se integren de forma enlazada ou conxunta e conte coa corresponde sinatura electrónica.

Consonte ao anterior, este decreto limítase só a desenvolver a forma das actas e resolucións que coa entrada en vigor da Lei 39/2015 e a Lei 40/2015 deben recollerse en soporte electrónico, sen prexuízo dos demais aspectos contemplados no resto da normativa aplicable.