o obxecto deste decreto é a creación e regulación do Rexistro de Pacientes con Enfermidades Raras da Comunidade Autónoma de Galicia (en diante RERGA).  O RERGA ten as seguintes finalidades:

• Proporcionar información epidemiolóxica sobre a incidencia e prevalencia das enfermidades raras que sexan obxecto de rexistro.
• Dispor de coñecemento sobre a evolución destas enfermidades permitindo orientar a planificación e xestión sanitaria, as actividades preventivas e asistenciais e a investigación no ámbito das enfermidades raras que sexan obxecto de rexistro.
• Colaborar co Rexistro Estatal de Enfermidades Raras facilitando así a comparación entre as Comunidades Autónomas e con outros países.