Obxecto: A  Orde ten por obxecto a creación e regulación da Sede Xudicial Electrónica de Galicia, co fin de dar cumprimento ao establecido na Lei 18/2011, do 5 de xullo, reguladora do uso das tecnoloxías da información e a comunicación na Administración de Xustiza.

A través da Sede Xudicial Electrónica de Galicia realizaranse todas as actuacións, procedementos e servizos que requiran a autenticación da Administración de Xustiza ou dos cidadáns e profesionais por medios electrónicos, así como aquelas outras actuacións respecto as que se decida a súa inclusión na Sede Xudicial Electrónica de Galicia.