Órgano ou entidade impulsora: Dirección Xeral de Ordenación e Innovación Educativa

Departamento: Consellería de Cultura, Educación, Formación Profesional e Universidades - Dirección Xeral de Ordenación e Innovación Educativa

Estado actual: Consulta pechada

Prazo no que estivo aberta a consulta: 10/12/2022 - 24/12/2022

Información sobre a norma :

• Antecedentes:

  A Lei orgánica 2/2006, do 3 de maio, de educación, modificada pola Lei orgánica 3/2020, do 29 de decembro, creou unha nova estrutura curricular e afectou, entre outros, a varios aspectos do bacharelato como os principios e obxectivos, a organización ou a avaliación.

  O Decreto 155/2022, do 15 de setembro, polo que se establece a ordenación e o currículo da educación primaria na Comunidade Autónoma de Galicia concretou as intencións do sistema educativo galego para esta etapa educativa. Na súa Disposición derradeira segunda facúltase a persoa titular da consellería con competencias en materia de educación para ditar cantas disposicións sexan precisas no relativo ao desenvolvemento do Decreto.

• Problemas que se pretenden solucionar:

  Regular aqueles aspectos do Decreto 155/2022, do 15 de setembro, que precisan de maior desenvolvemento normativo para poder ser aplicados con garantías e con coherencia polos centros docentes.

• Necesidade e oportunidade da súa aprobación:

  Actualizar o desenvolvemento normativo ao novo Decreto que regula a etapa de educación primaria en Galicia.

• Obxectivos:

  Concretar aqueles aspectos da ordenación e o currículo na etapa de educación primaria na Comunidad Autónoma de Galicia que precisan unha maior regulación normativa.

• Posibles solucións, alternativas, regulatorias e non regulatorias:

  Na Disposición derradeira segunda do Decreto 155/2022, do 15 de setembro, facúltase a persoa titular da consellería con competencias en materia de educación para ditar cantas disposicións sexan precisas no relativo ao desenvolvemento do Decreto.

  Polo tanto, considérase que para cumprir o mandato normativo a mellor alternativa é desenvolvelo a través dunha norma con rango de orde.

• Rango da norma:

  Orde