Órgano ou entidade impulsora: Secretaría Xeral Técnica
Departamento:
Consellería de Economía, Emprego e Industria - Secretaría Xeral Técnica
Estado actual: Consulta pechada
Prazo no que estivo aberta a consulta:
28/01/2019
-
12/02/2019
Información sobre a norma :
-
Antecedentes:
- Lei 9/2013, do 19 de decembro, do emprendemento e da competitividade económica de Galicia
- Decreto 144/2016, do 22 de setembro, polo que se aproba o regulamento único de regulación integrada de actividades económicas e apertura de establecementos
- Lei 2/2016, do 10 de febreiro, do solo de Galicia
- Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia
-
Problemas que se pretenden solucionar:
A Lei 9/2013, do 19 de decembro, do emprendemento e da competitividade económica de Galicia e o seu desenvolvemento regulamentario a través do Decreto 144/2016, do 22 de setembro, polo que se aproba o regulamento único de regulación integrada de actividades económicas e apertura de establecementos, crean as entidades de certificación de conformidade municipal (ECCOM), que desenvolven actuacións de certificación, verificación, inspección e control da conformidade de instalacións, establecementos e actividades coa normativa aplicable no ámbito municipal
A modificación dos decretos 143/2016 e 144/2016 pretende clarificar o réxime de presentación de comunicacións previas e licenzas ao inicio das obras e actividades.
-
Necesidade e oportunidade da súa aprobación:
Os regulamentos que desenvolven tanto a Lei 9/2013, do 19 de decembro, do emprendemento e da competitividade económica de Galicia como a Lei 2/2016, do 10 de febreiro, do solo de Galicia pretenden ser un instrumento vivo, dinámico e de utilidade para os operadores técnicos e xurídicos que os manexan, polo que cómpre solucionar aqueles aspectos que se foron suscitando na práctica durante a súa vixencia.
-
Obxectivos:
Coa modificación destes decretos preténdese dar maior seguridade xurídica aos cidadáns nas súas relacións coa Administración, dotar a tramitación a través das certificacións de conformidade municipal de maior axilidade e eficacia.
-
Rango da norma:
Decreto