modificar algún dos aspectos do Decreto 172/2022 para facilitar a súa aplicación. Así, complétanse as definicións, clarifícase que os simulacros forman parte do mantemento do plan e inclúese para actividades temporais a posibilidade e emitir unha declaración responsable previa ao certificado de implantación para este tipo de actividades.

En canto ao rexistro, establécese a posibilidade de proceder ás baixas de oficio, estrutúranse os apartados e agrúpanse os planos.

Respecto ao catálogo, ademais de estruturar os apartados, inclúense no mesmo os túneles das estradas do Estado.

E por último, modifícase o prazo na comunicación á administración autonómica da celebración de eventos para ser máis realistas, e establécese a obriga de contar cun exemplar do plan no punto de recepción de medios externos para todas as actividades do Catálogo.