Orde do 6 de novembro de 2026 pola que se regulan os requisitos de acceso ás ensinanzas universitarias oficiais de grao, a proba de acceso á universidade e os procedementos de admisión ao Sistema universitario de Galicia

Órgano ou entidade tramitadora: Dirección Xeral de Ordenación e Innovación Educativa

Departamento: Consellería de Educación, Ciencia, Universidades e Formación Profesional

Inicio da tramitación: 14/01/2026

Data da publicación no DOG: 17/11/2026

Obxecto:

Esta orde ten por obxecto organizar a proba de acceso ás ensinanzas universitarias oficiais de grao, regulada no artigo 38 da Lei orgánica 2/2006, do 3 de maio, de Educación, no ámbito territorial da Comunidade Autónoma de Galicia, así como os procedementos de admisión ao Sistema Universitario de Galicia, en adiante SUG. 
O texto avanza cara a un modelo de proba común en toda España, co obxectivo de favorecer a obxectividade, a coherencia nos procedementos e, fundamentalmente, garantir a igualdade de oportunidades para todo o alumnado.
Ademais a orde clarifica o papel da administración educativa e das universidades públicas do ámbito territorial de Galicia no desenvolvemento dos aspectos previstos na normativa básica estatal.  

Estado actual: Aprobada e publicada no DOG