Esta orde ten por obxecto regular o procedemento para a obtención do selo de Mercado Excelente na Comunidade Autónoma de Galicia, a fin de fixar unha estratexia que permita alcanzar a excelencia como símbolo de calidade e modernidade dos nosos mercados e prazas de abastos.  

O selo de Mercado Excelente distinguirá aos mercados e prazas de abastos galegos que consigan os estándares que se establecen como mínimos e indispensables na ferramenta de avaliación referidos a:
a) O estado do edificio e das instalacións e a súa sustentabilidade.
b) Os servizos do mercado postos ao dispor da clientela e das persoas vendedoras.
c) A xestión integral do mercado, con independencia de se é pública ou privada, referida a todos os aspectos que garantan o correcto funcionamento do mercado e da súa actividade comercial.
d) A calidade da oferta e outros valores engadidos.