Órgano ou entidade impulsora: Dirección Xeral de Calidade Ambiental, Sostibilidade e Cambio Climático

Departamento: Consellería de Medio Ambiente, Ordenación do Territorio e Vivenda - Dirección Xeral de Calidade Ambiental, Sostibilidade e Cambio Climático

Estado actual: Consulta pechada

Prazo no que estivo aberta a consulta: 07/05/2021 - 24/05/2021

Información sobre a norma :

• Antecedentes:

  A Comunidade Autónoma de Galicia desenvolve as súas competencias sobre o medio ambiente atmosférico no marco do establecido nos arts. 149, 1, 23ª da Constitución Española de 1978 e 27, 30º do Estatuto de Autonomía de Galicia (aprobado pola Lei Orgánica 1/1981, do 6 de abril). No exercicio destas competencias, no que atinxe á protección do ambiente atmosférico, o Goberno de Galicia aplica a norma básica estatal, a Lei 34/2007, do 15 de novembro, de calidade do aire e protección da atmosfera (en diante, LCAPA).

  As bases para o desenvolvemento desta norma autonómica están recollidas na propia Lei 34/2007, que establece:

  Artigo 14. Modificación substancial da instalación:  
  Para os efectos do previsto no artigo 13, corresponderá ás comunidades autónomas concretar en que termos a modificación dunha instalación é cualificada como substancial.

  Disposición transitoria única. Réxime aplicable ás instalacións existentes:
  A lexislación das comunidades autónomas establecerá os termos e prazos de adaptación ao establecido nesta lei das instalacións existentes, definidas no artigo 3.h), así como daquelas que solicitasen a autorización antes da súa entrada en vigor.

• Problemas que se pretenden solucionar:

  A elaboración de normativa autonómica de desenvolvemento da citada lei mellorará a seguridade xurídica das instalacións incluídas no ámbito de aplicación da Lei 34/2007 e definirá o marco de actuación do Goberno galego para prever, vixiar e reducir a contaminación atmosférica, co fin de garantir que se cumpren o obxecto e as disposicións da lexislación en materia de protección do ambiente atmosférico.

• Necesidade e oportunidade da súa aprobación:

  Trátase de definir o marco de actuación do Goberno da Xunta para o exercicio da competencia que a Comunidade Autónoma de Galicia ten en virtude da súa lexislación propia e a que expresamente recoñece a LCAPA sobre o réxime de prevención e control das actividades potencialmente contaminantes á atmosfera, e definir tamén as obrigas das instalacións galegas incluídas dentro do ámbito de aplicación da Lei 34/2007.

• Obxectivos:

  Este texto terá por obxecto os seguintes aspectos:

  • Aspectos xerais do réxime de prevención e control das emisións á atmosfera.
  • Réxime administrativo das instalacións ou actividades onde se desenvolven actividades potencialmente contaminadoras da atmosfera; en particular, o réxime de autorización e renovación da tramitación da notificación de emisións e os requirimentos posteriores á notificación. Tamén regulará a tramitación das modificacións nos establecementos, que poden ser substanciais ou non substanciais e poden requirir ou non a modificación da autorización de emisións.
  • Sistemas de vixilancia e control externo e interno da atmosfera.
  • Inspección e réxime sancionador en materia de protección e control do medio ambiente atmosférico (complementando, se é necesario, o establecido no Decreto 7/2020, de 9 de xaneiro, de inspección ambiental de Galicia).
  • Disposicións transitorias correspondentes.

• Posibles solucións, alternativas, regulatorias e non regulatorias:

  Considérase axeitado empregar unha norma con rango legal.

• Rango da norma:

  Decreto