-
Antecedentes:
De conformidade co establecido no artigo 20.2 do Decreto 254/2011 de 23 de decembro, polo que se regula o réxime de rexistro, autorización, acreditación e inspección dos servizos sociais en Galicia, o réxime de autorización previa exixirase a todos aqueles servizos, centros e/ou programas de servizos sociais, de acordo co devandito decreto e a normativa específica que os defina e regule.
No caso dos centros de atención a persoas con discapacidade, ata o momento unicamente se dispoñía dunha definición da tipoloxía dos centros a autorizar na Orde do 18 de agosto de 2000, pola que se aproba o Estatuto básico de centros de servizos sociais da Comunidade Autónoma de Galicia.
-
Problemas que se pretenden solucionar:
Dar unha resposta urxente á situación de baleiro normativo en relación cos requisitos específicos que deben cumprir para a súa autorización e funcionamento os servizos destinados a persoas con discapacidade.
-
Necesidade e oportunidade da súa aprobación:
A Lei 39/2006, do 14 de decembro, de promoción da autonomía persoal e atención ás persoas en situación de dependencia, supuxo un avance importante cara á atención que as Administracións públicas prestan ás persoas que se atopan nunhas condicións de especial vulnerabilidade, necesitadas de apoios, ben para promover a súa autonomía persoal ou ben para dar resposta adecuada ao seu problema de dependencia.
No marco desta normativa que concibe determinados servizos desde a perspectiva práctica da súa prestación e dirixidos a dous grandes colectivos, persoas maiores e persoas con discapacidade, e co fin de levar a cabo un desenvolvemento especializado da relación xenérica de servizos que figuran nela, na Comunidade Autónoma de Galicia apróbase o Decreto 149/2013, do 5 de setembro, polo que se define a carteira de servizos sociais para a promoción da autonomía persoal e a atención ás persoas en situación de dependencia e se determina o sistema de participación das persoas usuarias no financiamento do seu custo, que regula especificamente tres carteiras de servizos: a carteira de servizos comúns, a carteira de servizos específicos e a carteira do asistente persoal. Dentro destas tres carteiras agrúpanse, á súa vez, distintas categorías de servizos en función do perfil e das necesidades de atención dos seus destinatarios.
Dentro do novo marco normativo establecido pola Lei 36/2009, do 16 de decembro, e do Decreto 149/2013, do 5 de setembro, mediante a aprobación desta orde realízase un desenvolvemento parcial do devandito decreto no relativo ao contido de determinados servizos incluídos na carteira destinados a persoas dependentes con discapacidade física, parálise cerebral, dano cerebral, discapacidade intelectual, trastorno do espectro autista ou enfermidade mental, co fin de establecer os requisitos materiais e funcionais que deben cumprir para a súa autorización polo órgano competente en materia de autorización e inspección de servizos sociais, contribuíndo así a garantir o nivel de calidade que deben reunir os servizos para persoas con discapacidade.
-
Obxectivos:
Regular os requisitos materiais e funcionais que deben cumprir, para a súa autorización polo órgano competente da consellería con competencia en materia de servizos sociais, determinados servizos destinados a persoas dependentes con discapacidade física, parálise cerebral, dano cerebral, discapacidade intelectual, trastorno do espectro autista ou enfermidade mental.
-
Posibles solucións, alternativas, regulatorias e non regulatorias:
Ditar unha orde que desenvolva parcialmente o Decreto 149/2013, do 5 de setembro, polo que se define a carteira de servizos sociais para a promoción da autonomía persoal e a atención ás persoas en situación de dependencia e se determina o sistema de participación das persoas usuarias no financiamento do seu custo, no relativo aos requisitos materiais e funcionais de determinados servizos.
-
Rango da norma:
Orde