Órgano ou entidade impulsora: Dirección Xeral de Familia, Infancia e Dinamización Demográfica

Departamento: Consellería de Política Social - Dirección Xeral de Familia, Infancia e Dinamización Demográfica

Estado actual: Consulta pechada

Prazo no que estivo aberta a consulta: 14/03/2018 - 05/04/2018

Información sobre a norma :

• Antecedentes:

  A Lei orgánica 8/2015, do 22 de xullo, de modificación do sistema de protección á infancia e á adolescencia modifica a Lei orgánica 1/1996, do 15 de xaneiro, de protección xurídica do menor, de modificación do Código Civil da Lei de Enxuizamento Civil, e introduce un novo Capítulo IV no Título II na devandita lei, que abrangue os artigos 25 a 35, ambos inclusive.
  
  No devandito capítulo regúlanse os centros de protección específicos de menores con problemas de conduta, definindo o acollemento residencial nos devanditos centros, as súas características, as condicións de ingreso, as medidas de seguridade e contención, o illamento do menor, os rexistros persoais e materiais, a supervisión e control, a administración de medicamentos, o réxime de visitas e permisos de saída e de comunicacións do menor, así como o seu réxime disciplinario.
  
  A Xunta de Galicia de acordo coas liñas 23 e 24 do artigo 27 do Estatuto de autonomía de Galicia está lexitimada para desenvolver a dita normativa aprobando un regulamento de organización, funcionamento e réxime disciplinario para os centros de acollemento residencial de menores con problemas de conduta baixo medida de protección de tutela ou garda da Xunta de Galicia.

• Problemas que se pretenden solucionar:

  A definición e regulación dos centros de acollemento residencial de menores con problemas de conduta establecida neste novo marco legal fai necesario que a Comunidade Autónoma de Galicia dite un regulamento de organización, funcionamento e réxime disciplinario destes centros dentro do mandato contido no artigo 31 da Lei orgánica 1/1996, do 15 de xaneiro, de protección xurídica do menor, de modificación do Código Civil da Lei de Enxuizamento Civil.

• Necesidade e oportunidade da súa aprobación:

  O establecido neste regulamento será o instrumento normativo que determine  os aspectos básicos de organización, funcionamento e réxime disciplinario destes centros, o que nos permitirá un desenvolvemento adecuado das súas funcións.

• Obxectivos:

  A norma que se pretende ditar ten por obxecto regular os centros de  acollemento residencial de menores con problemas de conduta. En concreto, establecer as normas de organización, funcionamento e réxime disciplinario.

• Posibles solucións, alternativas, regulatorias e non regulatorias:

  Ditar un regulamento de organización, funcionamento e réxime disciplinario dos centros de acollemento residencial de menores con problemas de conduta.

• Rango da norma:

  Decreto