O plan de emerxencia exterior do Polígono de A Grela-Bens vixente foi aprobado mediante o Decreto 174/2021, do 29 de decembro. Transcorridos xa tres anos, cómpre a súa revisión.
Os obxectivos fundamentais do plan son:
- Determinar as zonas de intervención e alerta.
- Prever a estrutura organizativa e os procedementos de intervención para as situacións de emerxencia por accidentes graves.
- Prever os procedementos de coordinación co plan estatal para garantir a súa adecuada integración.
- Establecer os sistemas de articulación coas organizacións das Administracións Municipais e definir os criterios para a elaboración dos plans de actuación municipal daquelas.
- Especificar os procedementos de información á poboación sobre as medidas de seguridade que deban tomarse e sobre o comportamento a adoptar en caso de accidente.
- Catalogar os medios e recursos específicos a disposición das actuacións previstas.
- Garantir a implantación e mantemento do plan.