A Semana do Goberno aberto é unha iniciativa impulsada a nivel mundial pola Alianza para o Goberno Aberto (Open Gov Week), cuxo obxectivo principal é achegar as Administracións públicas á cidadanía, baseándose nos principios do Goberno Aberto: transparencia, rendición de contas, participación cidadá, integridade pública e colaboración.

Está deseñada para calquera persoa que crea que a cidadanía debería desempeñar un papel na configuración das políticas que afectan as súas vidas, e conta con seminarios, debates públicos, webinarios, e outros eventos planeados pola cidadanía, sociedade civil e gobernos. 

Semana da Administración aberta 2023

No ano 2023 a Semana de Administración aberta celébrase do 20 ao 24 de marzo. Pode consultar aquí o programa de actividades da Xunta de Galicia.

Semana da Administración aberta 2022

No ano 2022 a Semana da Administración Aberta celebrarase do 27 de xuño ao 1 de xullo.

A Comunidade Autónoma de Galicia participa nesta iniciativa coa organización dos seguintes eventos: 

Xornada de Portas Abertas da Xunta de Galicia

• Lugar: edificio administrativo de San Caetano
• Destinatarios: alumnado de Educación Primaria e persoas dun centro residencial de maiores
• Organización: Xunta de Galicia
• Detalle do evento: xornada de portas abertas na que se realizará unha visita á sede da Xunta de Galicia por parte dun grupo de alumnado de educación primaria e un colectivo de persoas dun centro residencial de maiores. Desta forma o goberno e a administración galega achéganse a dous colectivos específicos, o infantil e o das persoas maiores, fomentando a concienciación de que o goberno aberto implica a participación de todos e todas e de que todas as voces son importantes e achegan perspectivas distintas e fundamentais.

 Webinario Acceso á información pública

• Celebración virtual
• Destinatarios: persoal empregado público da Xunta de Galicia
• Organización: Xunta de Galicia
• Detalle do evento: webinario dirixido a empregados e empregadas publicas relativo ao dereito de acceso á información pública

Presentación do vídeo Coñece as túas institucións

• Cancelada

Semana da Administración aberta 2021

No ano 2021 esta iniciativa denominouse Semana da Administración aberta e celebrouse do 17 ao 21 de maio.

O tema proposto para este ano pola Alianza céntrase a reconstrución de administracións, institucións e sociedades, baixo o lema "Como reconstruímos  gobernos, institucionais e sociedades que sexan transparentes, responsables, participativos e inclusivos".

A Comunidade Autónoma de Galicia participou nesta iniciativa coa organización dos seguintes eventos.

18/05/2021

Presentación de Materiais Educativos sobre Integridade Institucional

• Lugar: edificio administrativo de San Caetano
• Destinatarios: os materiais didácticos que se presentaron diríxense a alumnado de ESO e Bacharelato
• Organización: Xunta de Galicia e Consello de Contas de Galicia
• Asistentes: convidouse á presentación a un grupo de profesorado e alumnado de ESO

Xornada de Participación Xuvenil

• Lugar: Escola Galega de Administración Pública
• Destinatarios: asociacións xuvenís
• Organización: Xunta de Galicia
• Asistentes: convidouse á representantes de asociacións de participación xuvenil para abordar con eles a reforma do Portal de Transparencia e Goberno aberto de cara a inclusión dunha canle específica de participación infantil e xuvenil

19/05/2021

Xornada Portas Abertas da Xunta de Galicia

• Lugar: edificio administrativo de San Caetano
• Destinatarios: alumnado de Educación Primaria
• Organización: Xunta de Galicia
• Asistentes: convidouse á un grupo de alumnos e alumnas de Educación Primaria a coñecer e realizar unha visita á sede da Xunta de Galicia 

Presentación de Boas prácticas en materia de discapacidade

• Encontro virtual
• Destinatarios: asociacións de persoas con discapacidade
• Organización: Xunta de Galicia
• Asistentes: convidouse á reunión a representantes de asociacións de persoas con discapacidade, que trasladaron á administración galega as súas propostas de mellora e as súas inquedanzas no eido do Goberno aberto

20/05/2021

Foro de debate: “Como reconstruímos  gobernos, institucións e sociedades que sexan transparentes, responsables, participativos e inclusivos”

• Lugar: Escola Galega de Administración Pública
• Destinatarios: alumnado universitario
• Organización: Xunta de Galicia
• Asistentes: convidouse á presentación a alumnado universitario 

21/05/2021

Webinario sobre o Plan de Mellora da Calidade dos Servizos Públicos

• Lugar: edificio administrativo de San Caetano e ao tempo celebración virtual
• Destinatarios: persoal empregado público da Xunta de Galicia
• Organización: Xunta de Galicia
• Asistentes: convidouse ao webinario a persoal empregado público da Xunta de Galicia