Gonzalo Trenor López

VICEPRESIDENCIA PRIMEIRA E CONSELLERÍA DE PRESIDENCIA, XUSTIZA E DEPORTES - Delegado territorial da Xunta de Galicia na Coruña

Nado na Coruña en 1977, é licenciado en Dirección e Administración de Empresas pola Universidade de Santiago de Compostela (USC) na especialidade en Dirección Financeira. Asesor financeiro EFPA.

Escoitar

Entre xuño de 2003 e setembro de 2005 foi administrativo-comercial en Caixanova.

De outubro de 2005 a decembro de 2007 director na Coruña de Renta 4.

Entre decembro de 2007 e setembro de 2011 foi xestor de patrimonios de banca privada no Banco Pastor.

Dirixiu o Plan de desenvolvemento integral das comarcas de Ferrol, Eume e Ortegal entre setembro de 2011 e xaneiro de 2013.

É deputado do Parlamento de Galicia desde xaneiro de 2013, exercendo tamén como voceiro de Medio Ambiente e de Asuntos Exteriores e Cooperación do Grupo do Partido Popular na IX lexislatura e como vicepresidente da Comisión de Economía e voceiro de Medio Ambiente do Grupo do Partido Popular na X lexislatura.

En setembro de 2020 foi nomeado delegado territorial da Xunta de Galicia na Coruña.