Lucía Fernández-Morais Petersen

VICEPRESIDENCIA E CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA - Xefa do gabinete da Consellería

Lucía Fernández-Morais Petersen

Naceu en Madrid en 1973. É licenciada en Ciencias Políticas e Socioloxía, pola Universidade Complutense de Madrid. Especialidade en Ciencia Política e en Estudios Internacionais. Realizou cursos de doutoramento en Procesos Políticos Contemporáneos da Universidade de Santiago de Compostela.

Tras un primeiro paso pola Universidade, onde colaborou cun equipo de investigación da Facultade de Ciencias Políticas e Sociais da USC, entre os anos 2003 e 2004 desempeñou a súa actividade na empresa privada en materias relacionadas coa consultoría, o deseño e a implementación de proxectos.

A finais de 2004 pasou a traballar, con tarefas de apoio técnico, na Dirección Xeral de Administración Local da Consellería de Xustiza, Interior e Administración Local, e en 2005 incorpórase como asesora ao Gabinete da Vicepresidencia da Igualdade e do Benestar.

Entre 2009 e 2014, tamén como asesora, asume labores de coordinación parlamentaria e seguimento de proxectos de goberno no Gabinete da Consellería de Presidencia, Administracións Públicas e Xustiza, que pasa a ser o da Vicepresidencia a partir de 2012.

Desde setembro de 2014, ocupa o posto de xefa do gabinete da Vicepresidencia e Consellería de Presidencia, Administracións Públicas e Xustiza.

Data do nomeamento: 17 de setembro de 2014.