CONSELLERÍA DO MAR - Presidente de Portos de Galicia
José Antonio Álvarez Vidal
É licenciado en Dereito pola Universidade e Santiago de Compostela e completou a súa formación universitaria cun Máster en Recursos Humanos da Universidade Pontificia de Comillas.
Superou unha oposición da Comisión das Comunidades Europeas, sendo incluído entre os candidatos aptos para ocupar un emprego de administrador adxunto no ámbito do dereito, e é funcionario do corpo superior de Administración da Xunta de Galicia, ocupando desde 1985 distintos postos na Administración pública galega.
Entre os cargos que desempeñou está o de xefe do servizo técnico xurídico e o de subdirector xeral de Coordinación Administrativa e Control Orzamentario da Consellería de Ordenación do Territorio e Obras Públicas entre finais dos 80 e principios dos 90.
Desde 1993 ata 1997 foi secretario xeral da Consellería de Xustiza, Interior e Relacións Laborais e entre o 1997 e o 2000 exerceu de director xeral de Xustiza e Administración Local da Consellería de Xustiza, Interior e Relacións Laborais.
Entre o 2001 e o 2005 foi secretario xeral da Consellería de Política Agroalimentaria e Desenvolvemento Rural e nos anos seguintes ocupou distintos postos na Administración galega.
Desde 2009 ata 2018 foi xefe territorial da Coruña das consellerías de Medio Ambiente, Territorio e Infraestruturas e da de Infraestruturas e Vivenda, pasando desde 2018 ata a actualidade a exercer o mesmo cargo na Consellería de Infraestruturas e Mobilidade.
En paralelo, entre 1992 e 2013 ocupou distintos postos en diferentes empresas públicas e fundacións.