Comezou a desempeñar o seu traballo na Administración autonómica no ano 2001 na antiga Dirección Xeral de Infraestruturas e Estruturas Agrarias, na localidade de Santiago de Compostela, como enxeñeiro técnico en funcións facultativas. Dende o ano 2004 ata o 2010 exerce como xefe de sección na mesma Dirección Xeral, pasando posteriormente no ano 2010 ao Servizo Provincial de Infraestruturas Agrarias da Coruña como xefe de sección de Concentración e Obras.

A principios do ano 2012 asume a xefatura do devandito Servizo Provincial ata finais do ano 2015, cando pasa a desempeñar os labores de xefe territorial da Consellería do Medio Rural da provincia da Coruña. Nos derradeiros dous anos foi director da Axencia Galega da Calidade Alimentaria e responsable dos centros públicos de I+D+i e de formación agraria da Consellería, así coma das indicacións xeográficas de calidade de Galicia.