Jorge Atán Castro

CONSELLERÍA DE FACENDA E ADMINISTRACIÓN PÚBLICA - Secretario xeral técnico e do Patrimonio

Jorge Atán Castro

Naceu en Vigo (Pontevedra) en 1967. É licenciado en Dereito pola Universidade de Santiago de Compostela e funcionario do Corpo Superior da Administración Xeral da Xunta de Galicia (grupo A1) dende o ano 1993. Ademais dispón do diploma do curso de Directivos, da Inspección de Servizos da Xunta de Galicia e o Curso Superior de Relacións Laborais, entre outros.

Desenvolveu a súa carreira administrativa en diversos postos da Xunta de Galicia e foi secretario xeral técnico da Consellería de Medio Rural (2009-2012) e subdelegado do Goberno na Coruña (2012-2018). Dende 2019 viña desempeñando o posto do subdirector xeral de Seguridade e Coordinación na Dirección Xeral de Emerxencias e Interior da Vicepresidencia primeira e Consellería de Presidencia, Xustiza e Turismo.