Obxecto: o presente decreto ten por obxecto regular o ámbito de aplicación, a estrutura e o contido do Rexistro de entidades do sector público da Comunidade Autónoma de Galicia previsto no artigo 52 da Lei 16/2010, do 17 de decembro, de organización e funcionamento da Administración Xeral e do sector público de Galicia.

Así mesmo, ten por obxecto regular as obrigacións das entidades que integran o sector público autonómico de Galicia, así como daquelas nas que concorran os requisitos determinados polo Sistema Europeo de Contas para integrarse no sector da Administración pública autonómica de Galicia.