Órgano ou entidade tramitadora:
Secretaria Xeral de Emprego
Departamento:
Consellería de Economía, Emprego e Industria - Secretaría Xeral de Emprego
Inicio da tramitación: 19/07/2019
Data da publicación no DOG: 05/03/2020
Obxecto:
a Lei 45/1999, de 29 de novembro, de desprazamento de traballadores no marco dunha prestación de servizos transnacional establece no seu artigo 5 que o/a empresario/a que desprace traballadores/as a España, no marco dunha prestación de servizos transnacional, deberá comunicar o desprazamento, antes do seu inicio e con independencia da súa duración, á autoridade laboral española competente por razón do territorio onde se vaian a prestar os servizos. A comunicación farase electronicamente no modo que se determine regulamentariamente.
Na Comunidade Autónoma de Galicia rexe, a data de hoxe, a resolución de data 9 de xuño de 2009 da entón denominada Dirección Xeral de Relacións Laborais (DOG nº 130, do 6 de xullo de 2009) polo que se dá publicidade ao modelo de comunicación de desprazamento de traballadores/as no marco dunha prestación de servizos transnacional ao abeiro da Lei 45/1999, de 29 de novembro.
A tramitación deste proxecto de orde ten como finalidade implantar a xestión por medios electrónicos desta comunicación, tendo presente a Lei 4/2019, de 17 de xullo, de administración dixital de Galicia, así como a Orde de 12 de xaneiro de 2012 pola que se regula a habilitación de procedementos administrativos e servizos na Administración xeral e no sector público autonómico de Galicia.
Estado actual:
Aprobada e publicada no DOG